தருமபுரி மாவட்டத்தில் உள்ளாட்சித் தேர்தல், கிறிஸ்துமஸ், ஆங்கிலப் புத்தாண்டு என அடுத்தடுத்து வரும் விடுமுறை நாள்களில் அரசு மது பாட்டில்களைப் பதுக்கிவைத்து கூடுதல் விலைக்கு விற்பனை செய்வதாக காவல் துறையினருக்கு ரகசிய தகவல் கிடைத்துள்ளது. தகவலின்பேரில் நகரக் காவல் ஆய்வாளர் ரத்தினகுமார் தலைமையில் இரவு மாவட்டம் முழுவதும் காவல் துறையினர் ஆய்வு மேற்கொண்டனர்.
பறிமுதல் செய்யப்பட்ட மது பாட்டில்கள்
இந்த ஆய்வின்போது மாவட்ட ஆட்சியர் அலுவலகம் அருகே உள்ள ஒட்டப்பட்டியைச் சேர்ந்த ரவி (52), சோகத்தூரைச் சேர்ந்த அர்ஜுனன், (42), கடத்தூரைச் சேர்ந்த அன்பு ஆகிய மூவரும் அரசு மது பாட்டில்களைத் திருட்டுத்தனமாகப் பதுக்கிவைத்து அனுமதியின்றி கூடுதல் விலைக்கு விற்பனை செய்தது கண்டுபிடிக்கப்பட்டது.