கடலூர் மாவட்டத்தில் உள்ள குள்ளஞ்சாவடி அருகே வடலூர் பகுதியில் இன்று வள்ளலார் ஜோதி தரிசனம் நடைபெறுகிறது. இதை முன்னிட்டு டாஸ்மாக் கடைகளுக்கு விடுமுறை அளிக்கப்பட்டுள்ளது. இந்நிலையில் சத்திரம் கிராமத்தில் உள்ள மதுபான கடையில் காவல் துறை பாதுகாப்புடன் மது விற்பனை நடைபெற்றதாக பொதுமக்கள் குற்றஞ்சாட்டியுள்ளனர்.
விடுமுறை நாள் மதுபானம் விற்பனை செய்யப்படும் காட்சி
இதுகுறித்து பொதுமக்கள் மதுபான விற்பனையாளரிடம் போய் வாக்குவாதத்தில் ஈடுபட்டதால் கடை மூடப்பட்டது. சத்திரம் கிராமத்தில் 24 மணி நேரமும் இந்த கடையில் விற்பனை நடைபெறுவதாகவும் மேலும் போலி மதுபானங்களும் இந்த சுற்றுவட்டாரத்தில் விற்கப்படுவதாகவும் இதை காவல் துறையினர் கண்டுகொள்வதே இல்லை என பொதுமக்கள் குற்றஞ்சாட்டியுள்ளனர்.