கடலூர் மாவட்டம் நெய்வேலி என்எல்சி தொழிற்சங்கத் தேர்தல் நான்கு ஆண்டுகளுக்கு ஒருமுறை நடைபெறும். அந்த வகையில், இன்று (பிப். 25) தொழிற்சங்கத் தேர்தல் நடைபெற்றுக் கொண்டிருக்கிறது. இத்தேர்தலை மத்திய தொழிலாளர் நலத்துறை ஆணையம் நடத்துகின்றது.
தேர்தலில் தொழிலாளர் முன்னேற்றச் சங்கம், சிஐடியு, அண்ணா தொழிலாளர் ஊழியர் சங்கம், பாட்டாளி தொழிற்சங்கம், எல்.எல்.எஃப்., பி.எம்.எஸ். உள்ளிட்ட தொழிற்சங்கங்கள் போட்டியிடுகின்றன. இத்தேர்தலில் 7400 தொழிலாளர்கள் வாக்களிக்கின்றனர். இதில் 51 விழுக்காடு பெரும் தொழிற்சங்கம், அங்கீகரிக்கப்பட்ட தொழிற்சங்கமாக அறிவிக்கப்படும்.