கடலூர் பெண் சந்தேக மரணம்...கொலையா? போலீசார் விசாரணை

பெண் ஒருவரின் சந்தேக மரணம் தொடர்பாக காவலர்கள் வழக்குப்பதிவு செய்து விசாரணை நடத்திவருகின்றனர்.

கடலூர் முதுநகர் சஞ்சீவிராயன் கோயில் தெருவில் வசித்துவரும் தம்பதியினர் சேகர் கலா (50). இவர்களுக்கு ஒரு மகன் உள்ளார். தற்போது அவர் சிங்கப்பூரில் வேலை செய்து வருகிறார்.

இந்நிலையில், கலா தனது வீட்டில் சந்தேகத்திற்கு இடமான முறையில் இறந்து கிடந்தார். இவரது கணவர் சேகர் என்பவர் மீன்பிடித் தொழிலுக்காக கடலில் சென்று வீடு திரும்பி சென்று பார்த்த போது கலா ரத்த வெள்ளத்தில் உயிரிழந்து காணப்பட்டார். இதுகுறித்து காவலர்களுக்கு தகவல் தெரிவிக்கப்பட்டது.

இதைத்தொடர்ந்து காவல்துறை கண்காணிப்பாளர் சாந்தி சம்பவ இடத்திற்கு நேரடியாக வந்து கலாவின் உடலை மீட்டு, இது தற்கொலையா அல்லது கொலையா என்ற கோணத்தில் விசாரணை மேற்கொண்டார். இது தொடர்பாக முதுநகர் காவல்துறையினர் தொடர்ந்து விசாரணை மேற்கொண்டு வருகின்றனர்.

இதையும் படிங்க:நண்பர்களுடன் குளியல்... ஏரியில் சிக்கிக்கொண்ட சிறுவன் உயிரிழப்பு!