கடலூர் மஞ்சக்குப்பம் பகுதியில் அரசு உதவி பெறும் மேல்நிலைப் பள்ளி உள்ளது. இப்பள்ளியில் சுமார் ஐந்தாயிரத்துக்கும் மேற்பட்ட மாணவர்கள் படித்து வருகின்றனர். இந்நிலையில் 12ஆம் வகுப்பு மாணவர்களுக்கு பாடம் எடுத்து வரும் ஆசிரியர் ஒருவர் இன்று காலை வழக்கம்போல் பள்ளிக்கு வந்துள்ளார்.
மதுபோதையில் பள்ளிக்கு வந்த ஆசிரியரால் பரபரப்பு! - மது அருந்திவிட்டு வந்த ஆசிரியர்
கடலூர்: மஞ்சக்குப்பம் அரசு உதவி பெறும் பள்ளியில் ஆசிரியர் தினத்தன்று வகுப்புக்கு மது அருந்திவிட்டு வந்த ஆசிரியரால் பரபரப்பு ஏற்பட்டது.
teacher came classroom drunken
அப்போது தள்ளாடியபடியே அந்த ஆசிரியர் நடந்துபோனதை பார்த்த மாணவர்கள், அவர் மதுபோதையில் இருந்ததை கண்டு அதிர்ச்சி அடைந்தனர். இதனைத் தொடர்ந்து உடனடியாக பள்ளி முதல்வரிடம் புகார் தெரிவித்தனர். பின் காவல்நிலையத்தில் இதுகுறித்து புகார் அளிக்கப்பட்டது. அதையடுத்து காவல் ஆய்வாளர் உதயகுமார் பள்ளிக்கு வந்து மதுபோதையில் இருந்த ஆசிரியரை காவல் நிலையத்திற்கு கொண்டு சென்றார்.
பின்னர் மதுபோதையில் இருந்த ஆசிரியருக்கு கடும் எச்சரிக்கை செய்து அனுப்பிவைத்தனர். இந்தியா முழுவதும் இன்று ஆசிரியர் தினவிழா வெகுவிமரிசையாக பள்ளிகள், கல்லூரிகள் உள்ளிட்ட கல்வி நிறுவனங்களில் கொண்டாடப்பட்டு வருகின்றன. இந்நிலையில் ஒரு ஆசிரியர் குடிபோதையில் வகுப்பறைக்கு சென்றுள்ள சம்பவம் மாணவர்கள் மத்தியில் பெரும் அதிர்ச்சியை ஏற்படுத்தியுள்ளது.
ஆசிரியர் தினத்தில் மதுபோதையில் வந்த ஆசிரியரால் பரபரப்பு!