நெய்வேலி என்.எல்.சி முதலாவது சுரங்கத்தில் திடீர் தீ விபத்து!

கடலூர்: நெய்வேலியில் இயங்கிவரும் என்.எல்.சி முதலாவது சுரங்கத்தில் ஏற்பட்ட தீடீர் தீ விபத்தால் ஒரு மணி நேரம் நிலக்கரி வெட்டும் பணி பாதிக்கப்பட்டது.

கடலூர் மாவட்டம் நெய்வேலியில் என்எல்சியின் நிலக்கரி சுரங்கம் உள்ளது .நேற்று வழக்கம் போல முதலாவது சுரங்கத்தில் நிலக்கரி வெட்டும் பணி நடைபெற்றுக் கொண்டிருந்தது. அப்போது நிலக்கரி கொண்டு செல்லும் கன்வேயர் பெல்ட்டில் திடீரென தீப்பிடித்து எரியத் தொடங்கியது.

இதனைக்கண்டு அதிர்ச்சி அடைந்த தொழிலாளர்கள் தீயணைப்பு துறையினருக்கு தகவல் அளித்தனர். தகவலறிந்து வந்த தீயணைப்புத் துறையினர் தீயை அணைத்தனர்.

நெய்வேலி நிலக்கரி சுரங்கத்தில் தீ விபத்து

தீ விபத்து நடந்த இடத்தின் அருகில் தொழிலாளர்கள் யாரும் இல்லாததால் உயிர்ச்சேதம் தவிர்க்கப்பட்டது. இந்த தீ விபத்தால் சுமார் ஒரு மணிநேரம் நிலக்கரி வெட்டும் பணி பாதிப்படைந்தது.

இதையும் படிங்க:'தமிழ்நாடு நம்பர் ஒன் மாநிலமாக வரவேண்டும்' - ஆளுநர்