10 நிமிடங்களில் 50 மழலை பாடல்கள் பாடி யூ.கே.ஜி மாணவி அசத்தல்!!

10 நிமிடங்களில் 50 மழலைப்பாடல்கள் பாடி கோவை மாநகராட்சி பள்ளி சிறுமி ’இந்தியா புக் ஆஃப் ரெக்கார்ட்ஸ்’-ல் இடம்பெற்றார்.

கோவை ராமநாதபுரம் பகுதியைச்சேர்ந்த ரமேஷ், ஷாலினி தம்பதியினரின் 5 வயது மகள் இனியா. கோவை மசக்காளிபாளையம் பகுதியில் உள்ள மாநகராட்சிப்பள்ளியில் யூ.கே.ஜி பயின்று வருகிறார். இவர் 10 நிமிடங்களில் ஆங்கிலத்தில் உள்ள 50 குழந்தைகளுக்கான பாடல்களை பாடியுள்ளார்.

இதனை அவரது பெற்றோர்கள் ’இந்தியா புக் ஆஃப் ரெக்கார்ட்ஸ்’-க்கு அனுப்பியுள்ளனர். இவரது அபார ஞாபகத் திறனை ’இந்தியா புக் ஆஃப் ரெக்கார்ட்ஸ்’ அங்கீகரித்துள்ளது. இச்சிறுமியின் சாதனை 'இந்தியா புக் ஆஃப் ரெக்கார்ட்ஸ்' புத்தகத்தில் இடம்பெற்றுள்ளது.

மாநகராட்சிப் பள்ளியில் படிக்கும் சிறுமி 10 நிமிடங்களில் குழந்தைகளுக்கான 50 பாடல்களை பாடி அசத்தியுள்ளது கோவை மக்களை பெருமையடைய செய்துள்ளது. மேலும் சிறுமி பாடல்களுக்கேற்ப கைகளை அசைத்து, முக பாவனைகளுடன் பாடுவது பார்ப்போரை மகிழ்ச்சியில் ஆழ்த்துகிறது.

இதையும் படிங்க: Video: கோவையில் வெள்ளத்தில் அடித்து செல்லப்பட்ட தரைப்பாலம்...