கோயம்புத்தூர்:பொள்ளாச்சியை அடுத்த உடுமலை அருகேவுள்ள துங்காவி பகுதியைச் சேர்ந்தவர் முத்துக்குமார். இவர் தனியார் நிறுவனத்தில் பால் வாங்கி வீடுகள் மற்றும் கடைகளுக்கு விநியோகம் செய்யும் தொழில் செய்து வருகிறார். இவர் நேற்று முன்தினம் (ஜூலை 08) வழக்கம் போல் பால் விநியோகம் செய்துவிட்டு பொள்ளாச்சியை அடுத்த சூலக்கல் அருகே உள்ள தரைப்பாலம் பகுதியில் தனது இருசக்கர வாகனத்தில் சென்று கொண்டிருந்தார்.
அங்கு நின்று கொண்டிருந்த நான்கு பேர் திடீரென முத்துக்குமாரை வழிமறித்து மிரட்டி அவரிடம் இருந்த 5 ஆயிரம் ரூபாய் பணத்தை பறித்துக் கொண்டு அங்கிருந்து தப்பிச் சென்றனர். அந்த சமயத்தில் முத்துக்குமார் இருசக்கர வாகனத்தின் பதிவு எண்ணை குறித்து வைத்துக் கொண்டார்.