கோவை பேரூர் அடுத்த காளம்பாளையம் கள்ளுக்கடை பேருந்து நிறுத்தம் அருகே சிறுவாணியிலிருந்து பேரூர் நோக்கி இருசக்கர வாகனத்தில் இளைஞர் ஒருவர் வந்துள்ளார். அப்போது பேரூரிலிருந்து வந்த கார் ஒன்று, அங்கிருந்த பெட்ரோல் விற்பனை நிலையம் அருகே திரும்ப முயன்றது.
அந்த நேரத்தில் கார் மீது வேகமாக வந்த இருசக்கர வாகனம் மோதியதில், அதில் வந்த இளைஞர் தூக்கி வீசப்பட்டார். இதில் படுகாயமடைந்த அவரை அங்கிருந்தவர்கள் மீட்டு அவசரஊர்தி மூலம் கோவை அரசு மருத்துவமனைக்கு அனுப்பிவைத்தனர்.