கோவையில் முக்கியப் பகுதிகளில் சந்தன மரத்தை அடையாளம் தெரியாத கும்பல் கடத்திவருகிறது. குறிப்பாக பந்தய சாலை, சாய்பாபா காலனி, கோவைப்புதூர், சிங்காநல்லூர் பகுதிகளில் இரவு நேரங்களில் முகமூடி அணிந்துவரும் கும்பல் வீட்டின் கதவை வெளியே தாழிட்டுவிட்டு இயந்திரங்கள் மூலம் சந்தன மரங்களை வெட்டி கடத்திவருகிறது.
இந்நிலையில் இன்று அதிகாலை சிங்காநல்லூர் நீலிகோணாம்பாளையம் பகுதியில் 15 பேர் கொண்ட அடையாளம் தெரியாத நபர்கள் பயங்கர ஆயுதங்களுடன் அப்பகுதியில் உலாவந்தனர். பின்னர் அருகிலிருந்த தனியாருக்குச் சொந்தமான தோட்டத்தில் புகுந்து அங்கு மது அருந்திவிட்டு சந்தன மரங்களை வெட்டி எடுத்துச் செல்ல முயன்றனர்.
பயங்கர ஆயுதங்களுடன் உலா வரும் சந்தன மரம் கடத்தல் கும்பல்