கரோனா ஊரடங்கு காரணமாக தமிழ்நாடு-கேரள எல்லையான கோயம்புத்தூர் வாளையார் சோதனைச்சாவடியில் காய்கறி, பால், இறைச்சி உள்ளிட்ட அத்தியாவசியப் பொருள்கள் வாகனங்களுக்கு மட்டும் அனுமதியளிக்கப்பட்டுள்ளது.
மேலும் சோதனைச்சாவடியில் தீவிர வாகன சோதனையும் நடைபெற்றுவருகிறது. இந்த நிலையில் ஜூலை 8ஆம் தேதி அத்தியாவசிய பொருள்களை ஏற்றிச்செல்லும் வாகனங்களில் ஹவாலா பணம் கடத்தப்படுவதாக கேரள காவல்துறைக்கு தகவல் கிடைத்தது.
அதனால் கேரள காவல்துரையினர் தமிழ்நாடு-கேரள எல்லையில் சோதனை நடத்தினர். அதில் காய்கறி லாரியில் மறைத்து வைத்திருந்த ரூ.1.75 கோடி ஹவாலா பணம் சிக்கியது. அதுதொடர்பாக ஆலப்புழாவை சேர்ந்த நிதின்குட்டி, சலாம் எனும் இருவர் கைது செய்யப்பட்டனர்.