கோயம்புத்தூர் மாவட்டம், அன்னூர் அடுத்த ஊத்துப்பாளையம் பகுதியைச் சேர்ந்தவர்கள் முருகேசன், வனிதா தம்பதியினர். இவர்களது மகன் கோகுல் (11). தனது வீட்டில் வளர்க்கப்படும் நாய்க்குட்டியுடன் சிறுவன் விளையாடுவது வழக்கம்.
இந்நிலையில் நேற்று (மே.20) மதியம் நாய்க்குட்டியுடன் சிறுவன் விளையாடிக் கொண்டிருந்தான். அப்போது நாய்க்குட்டி அருகே உள்ள 90 அடி ஆழ கிணற்றில் தவறி விழுந்தது. அதனை காப்பாற்ற முயன்ற சிறுவனும் அலறியபடியே கிணற்றினுள் தவறி விழுந்தான்.
கிணற்றில் தவறி விழுந்த சிறுவன் மீட்கப்பட்ட காட்சி.
இதனையடுத்து அலறல் சத்தம் வந்த பகுதிக்குச் சென்ற சிறுவனின் குடும்பத்தினர், சிறுவன் கிணற்றினுள் தவறி விழுந்திருப்பதைக் கண்டு அதிர்ச்சியடைந்தனர். உடனடியாக இதுகுறித்து அன்னூர் தீயணைப்புத் துறையினருக்குத் தகவல் தெரிவிக்கப்பட்டது.