கோயம்புத்தூர்: பொள்ளாச்சி அருகே உள்ள ஆனைமலை புலிகள் காப்பகம் உலாந்தி வனச்சரகத்திற்குள்பட்ட டாப்சிலிப் கோழிகமுத்தி யானைகள் முகாமில் கலீம், சின்னதம்பி, அரிசி ராஜா உள்பட 27 காட்டு யானைகள் பராமரிக்கப்பட்டுவருகின்றன.
தமிழ்நாடு அரசின் உத்தரவின்பேரில் இங்கு ஆண்டுதோறும் பொங்கல் விழா வெகு விமரிசையாக நடைபெறும். கடந்த இரண்டு ஆண்டுகளாக கரோனா வைரஸ் தொற்றுப் பரவல் காரணமாக பொங்கல் விழா நடைபெறவில்லை.
இந்நிலையில் இந்தாண்டு டாப்சிலிப் பகுதிக்கு முன்பதிவு செய்த சுற்றுலாப் பயணிகளுடன் பொங்கல் விழா நடைபெற்றது. முன்பதிவு செய்த சுற்றுலாப் பயணிகள் வனத் துறை சார்பில் யானைகள் முகாமுக்கு அழைத்துச் செல்லப்பட்டனர். வனத் துறை சார்பில் பொங்கல் வைக்கப்பட்டது. யானைகள் அலங்கரிக்கப்பட்டு அணிவகுத்து நிற்கவைக்கப்பட்டன.
டாப்சிலிப்பில் யானைகள் பங்கேற்ற பொங்கல் விழா
வால்பாறை எம்எல்ஏவுக்கு அழைப்பு இல்லை