பொள்ளாச்சி, சுற்றுவட்டாரப் பகுதிகளில் முதன்மையாக தென்னை சாகுபடி இருந்து வருகிறது. இந்த தென்னை சாகுபடியில் கடந்த சில நாட்களாக சுருள் வெள்ளை ஈக்களின் தாக்குதல் அதிகரித்துள்ளதால் தென்னையில் மகசூல் பாதிக்கப்பட்டு விவசாயிகள் வேதனை அடைந்துள்ளனர். இந்நிலையில் தென்னை மரங்களை நாசம் செய்யும் சுருள் வெள்ளை ஈக்களை கட்டுப்படுத்துவது குறித்து செயல்விளக்கம் பொள்ளாச்சியில் நடைபெற்றது.
இதில் தமிழ்நாடு வேளாண்மை பல்கலைக்கழக பூச்சியியல் துறை விஞ்ஞானிகள், ஆழியார் தென்னை ஆராய்ச்சி நிலைய விஞ்ஞானிகள் கலந்து கொண்டு விவசாயிகளுக்கு தென்னை மரங்களில் பாதிப்பை ஏற்படுத்தும் சுருள் வெள்ளை ஈக்களை அழிப்பது குறித்து செயல் விளக்கம் அளித்தனர். இரவு நேரங்களில் பரவக்கூடிய ஈக்களை அழிக்க விளக்குப்பொறி வைக்கவும், பகல் நேரங்களில் வரக்கூடிய ஈக்களை அளிக்க மஞ்சள் வண்ண ஒட்டுப் பொறி வைக்கவும், விஞ்ஞானிகள் விளக்கம் அளித்தனர்.