கோவை: உக்கடத்தில் உள்ள கோட்டைமேட்டு பகுதியில் கடந்த ஆண்டு அக்.23ஆம் தேதி காரில் எடுத்து சென்ற சிலிண்டர் வெடித்தில், காரை ஓட்டி வந்த அதே பகுதியை சேர்ந்த ஜமீஷா முபின் (25) என்பவர் உயிரிழந்தார். இந்தச் சம்பவம் தொடர்பாக உயிரிழந்த ஜமீஷா முபின் வீட்டில் போலீசார் சோதனை நடத்திய போது, வெடிபொருட்கள், சிலிண்டர் உள்ளிட்ட பொருட்களை பறிமுதல் செய்தனர்.
இதனையடுத்து ஜமேஷா முபினுடன் தொடர்பில் இருந்ததாக இதுவரை 11 பேர் கைது செய்யப்பட்டுள்ளனர். இவர்களில் 5 பேரிடம் தேசிய புலனாய்வு முகமை அதிகாரிகள் விசாரணை நடத்தி முடித்துள்ளனர். இந்த நிலையில் முகமது தல்கா, முகமது ரியாஸ், முகமது நவாஸ், முகமது தௌபிக், சனாபர் அலி, ஷேக் இதயத்துல்லா ஆகிய 6 பேரை காவலில் எடுத்து சென்னையில் வைத்து விசாரித்து வந்த தேசிய புலனாய்வு அதிகாரிகள் 6 பேரையும் இன்று காலை கோவை அழைத்து வந்து காவலர் பயிற்சி பள்ளி வளாகத்தில் வைத்து விசாரணை நடத்தினர்.