மத்திய அரசின் கல்வி உதவித் தொகை பெற, பத்தாம் வகுப்பு மாணவர்களுக்கு தேசிய திறனாய்வுத் தேர்வு நடத்தப்படுகிறது. இந்த தேர்வு இரண்டு நிலையில் நடக்கிறது. தேர்ச்சி பெறும் மாணவர்களுக்கு ஆராய்ச்சிப் படிப்பு வரை கல்வி உதவித்தொகை வழங்கப்படுகிறது. 11,12ஆம் வகுப்பு மாணவர்களுக்கு மாதம் 1,250 ரூபாயும், இளங்கலை, முதுகலை பட்டப் படிப்பிற்கு மாதம் 2,000 ரூபாயும், ஆராய்ச்சிப் படிப்பிற்கு பல்கலைக்கழக மானியக் குழு நிர்ணயிக்கும் கட்டணமும் வழங்கப்படுகிறது.
தேர்வு எழுதும் மாணவிகள்
இந்நிலையில், தமிழ்நாட்டில் பத்தாம் வகுப்பு படித்துக்கொண்டிருக்கும் ஒரு லட்சத்து 55 ஆயிரத்து 851 மாணவர்கள் தேசிய திறனாய்வுத் தேர்வுக்கு விண்ணப்பித்திருந்தனர். மாநில அளவில் 514 மையங்களில் இன்று தேர்வு நடைபெற்றது. இந்த தேர்வினை ஒரு லட்சத்து 41 ஆயிரத்து 821 மாணவர்கள் எழுதியுள்ளனர்.