கோவையில் பல்வேறு நலத்திட்ட உதவிகளை வழங்கிய அமைச்சர்!

கோவை: மாவட்டத்தில் உள்ள பல ஊராட்சி மக்களுக்கு அமைச்சர் உடுமலை கே. ராதாகிருஷ்ணன் நலத்திட்ட உதவிகளை வழங்கினார்.

கோவை மாவட்டம் உடுமலை சட்டப்பேரவைத் தொகுதி, பொள்ளாச்சி தெற்கு ஒன்றியம், மாக்கினாம்பட்டி ஊராட்சி, ஊஞ்ச வேலாம்பட்டி ஊராட்சி, கோமங்கலம் ஊராட்சி, சிஞ்சுவாடி ஊராட்சி ஆகிய ஊராட்சிப் பகுதிகளில் பொதுமக்கள் குறைதீர்ப்பு முகாம் நடைபெற்றது.

இந்த நிகழ்வில் அமைச்சர் உடுமலை கே. ராதாகிருஷ்ணன் கலந்துகொண்டு, பொதுமக்கள் ஒவ்வொருவரிடமும் நேரடியாக மனுக்களைப் பெற்று சம்பந்தப்பட்ட துறை அலுவலர்களுடன் கலந்தாலோசித்து பொதுமக்களின் மனுக்களுக்குத் தீர்வு கண்டார்.

மேலும், பல்வேறு நலத்திட்டங்களை மக்களுக்கு வழங்கினார். இந்த நிகழ்வில் அரசு அலுவலர்கள், அதிமுக கட்சி நிர்வாகிகள், பொதுமக்கள் என ஏராளமானோர் கலந்துகொண்டனர்.

இதையும் படிங்க...பொதிகை, நெல்லை ரயில் பெயர்களை யார் சொல்லி மாற்றினீர்கள்?