கடந்தாண்டு நவம்பர் மாதம் தமிழ்நாடு கேரளா எல்லைப்பகுதியான மஞ்சகண்டி வனப்பகுதியில் கேரள சிறப்பு அதிரடிப்படை காவல் துறையினர் நடத்திய தாக்குதலில் மாவோயிஸ்ட் இயக்கத்தைச் சேர்ந்த நான்கு பேர் சுட்டுக் கொல்லப்பட்டனர்.
அந்தத் தாக்குதலில் மூன்று மாவோயிஸ்ட்டுகள் வனப்பகுதிக்குள் தப்பியோடினர். அவர்களைத் தேடும் பணியில் ஈடுபட்ட தமிழ்நாடு சிறப்பு அதிரடிப்படையினர் நவம்பர் 9ஆம் தேதி மாவோயிஸ்ட் தீபக்கை கைதுசெய்தனர்.
அதைத்தொடர்ந்து இன்று அதிகாலை கோவை மாவட்டம் ஆனைகட்டியில் மாவோயிஸ்ட் ஸ்ரீமதி கைதுசெய்யப்பட்டுள்ளார். பேருந்தில் தப்பிக்க முயன்ற அவரை ஈரோடு மாவட்ட கியூ பிரிவு காவல் துறையினர் மடக்கிப்பிடித்து கைதுசெய்தனர்.