அண்மையில் பொள்ளாச்சியில் இளைஞர்கள் கும்பல் ஒன்று பெண்களை காதல் வலையில் விழவைத்து பாலியல் ரீதியாக துன்புறுத்தி அதனை வீடியோ எடுத்த சம்பவம் தமிழ்நாட்டையே உலுக்கியது.
இந்நிலையில், கொங்குநாடு மக்கள் தேசிய கட்சியின் பொதுச்செயலாளர் ஈஸ்வரன் ஆளும் கட்சி தொடர்ந்து உண்மைத் தன்மையை மறைத்து வருகிறது என்றும், இது குறித்து அமைச்சர் தங்கமணி விவாதம் செய்ய தயாரா எனவும் சவால் விடுத்திருந்தார். தற்போது இந்தச் சவாலை அமைச்சர் தங்கமணி ஏற்றுக்கொண்டுள்ளார்.
இது குறித்து இன்று நாமக்கல்லில் செய்தியாளர்களைச் சந்தித்த கொங்கு ஈஸ்வரன் பேசியதாவது: வருகின்ற ஏப்ரல் 7 ஆம் தேதி காலை 11 மணி அளவில் தனியார் திருமண மண்டபத்தில் பொள்ளாச்சி பாலியல் விவகாரம் குறித்து அமைச்சர் தங்கமணி உடன் விவாதிக்க தயார் எனவும், அவர் குறித்த நேரத்தில் குறித்த இடத்தில் வரவேண்டும் எனவும் அமைச்சர் தங்கமணிக்குப் பதிலளித்தார்.
மேலும் வருமானவரித்துறை மத்தியில் ஆளும் பாஜக அரசு அவர்களுக்கு ஏற்றார் போல் செயல்படுத்தி கொண்டு வருகின்றது. இது முற்றிலும் கண்டிக்க வேண்டியது என தெரிவித்தார்.