எம்ஏஎம் ராமசாமி செட்டியாருக்குப் பிறகு, அவருடைய வளர்ப்பு மகன் அய்யப்பனைத் தலைவராக கொண்டு செட்டிநாடு குழுமம் செயல்பட்டுவருகிறது. அக்குழுமத்துக்குச் சொந்தமாக நாட்டின் பல இடங்களில் 2015ஆம் ஆண்டில் வரி ஏய்ப்பு புகார் எழுந்ததையடுத்து வருமான வரித் துறையினர் அதிரடியாகச் சோதனை நடத்தி முக்கிய ஆவணங்களைக் கைப்பற்றினர்.
இந்நிலையில் மீண்டும் வரி ஏய்ப்பு புகார் எழுந்ததையடுத்து இன்று (டிச. 09) காலை முதல் சென்னை, ஹைதராபாத், மும்பை உள்ளிட்ட 10-க்கும் மேற்பட்ட நகரங்களில் உள்ள செட்டிநாடு குழுமத்தின் பல்வேறு அலுவலகங்களில் வருமான வரித் துறையினர் சோதனை நடத்திவருகின்றனர்.