கோவை பெரிய தடாகம் பகுதியில் கடந்த 15ஆம் தேதி வனத்துறையினர் வழக்கமான ரோந்து பணியில் ஈடுபட்டிருந்தபோது, இறந்த நிலையில் ஆண் யானையின் உடல் கிடந்தது கண்டுபிடிக்கப்பட்டது. மேலும் யானையின் உடலில் இருந்து வலது தந்தம் திருடப்பட்டு இருப்பது விசாரணையில் தெரிய வந்தது.
இது தொடர்பாக வனத்துறையினர் வழக்கு பதிவு செய்து ஒருவரை கைது செய்து சிறையில் அடைத்துள்ள நிலையில், தந்தம் திருடப்பட்டது தொடர்பாக விசாரணை மேற்கொண்டு வருகின்றனர். இதனிடையே யானை தந்தம் மாயமான வழக்கில் 15 வயது, 12 வயது, 11 வயது உடைய மூன்று சிறுவர்களுக்கு கோவை வனத்துறை சம்மன் அனுப்பியுள்ளது.