கோவை ஆவாரம்பாளையம் பகுதியைச் சேர்ந்தவர் பாலதண்டாயுதபாணி. அப்பகுதியில் டிராவல்ஸ் நிறுவனம் நடத்தி வரும் இவர் புதிதாக பெட்ரோல் பங்க் வைப்பதற்காக பல்வேறு இடங்களில் அனுமதி பெற்றுள்ளார். இதற்காக தீயணைப்புத் துறையிலும் அனுமதி பெற இவர் விண்ணப்பித்து இருந்தார்.
கோவையில் லஞ்சம் வாங்கிய தீயணைப்புத் துறை அலுவலர் கைது
இந்த விண்ணப்பத்தின் மீது விசாரணை மேற்கொண்ட கோவை மாவட்ட தீயணைப்புத் துறை அலுவலர் பாலசுப்பிரமணியம், பெட்ரோல் பங்க்கிற்கு தடையில்லா சான்றிதழ் வழங்க தனக்கு 50 ஆயிரம் ரூபாய் லஞ்சம் தரவேண்டும் எனத் தெரிவித்துள்ளார். அதற்கு ரூபாய் 40 ஆயிரம் தருவதாகக் கூறிய பாலதண்டாயுதபாணி, இதுகுறித்து லஞ்ச ஒழிப்புக் காவல் துறையினருக்கு புகார் அளித்தார்.