கோவை மாவட்டம் மதுக்கரை காவல் நிலையத்தில் ஆய்வாளர் தூயமணி வெள்ளைச்சாமி பணிபுரிந்துவருகிறார். கடந்த ஐந்து ஆண்டுகளுக்கு மேலாக இந்த காவல் நிலையத்தில் ஆய்வாளராக உள்ளார். அவர் சட்டத்திற்கு விரோதமான செயல்களில் ஈடுபட்டுவருவதாகக் கூறி அவர் மீது நடவடிக்கை வேண்டும் என கோவை புறநகர் தெற்கு மாவட்ட திமுக பொறுப்பாளர் தென்றல் செல்வராஜ் மாவட்ட ஆட்சியரிடம் புகார் மனு அளித்தார்.
பின்னர் செய்தியாளர்களிடம் பேசிய தென்றல் செல்வராஜ், " மதுக்கரை காவல் நிலையத்தில் ஆய்வாளராக பணிபுரிந்து வரும் தூயமணி வெள்ளைச்சாமி, அதிமுக மாவட்ட செயலாளராகவும், எஸ்.பி வேலுமணிக்கு பினாமியாகவும் செயல்பட்டு வருகிறார். மேலும் அங்கு திராவிட முன்னேற்ற கழகத்தை அழிக்கும் செயல் முறைகளை செய்து வருகிறார். லாட்டரி சீட்டுகள் விற்பனை, மணல் கொள்ளை போன்றவற்றுக்கு துணைபோகிறார். எனவே தூயமணி வெள்ளைச்சாமியை உடனடியாக பணியிடமாற்றம் செய்ய வேண்டும் என கோவை மாவட்ட ஆட்சியர் அலுவலகத்தில் மாவட்ட ஆட்சியரிடம் மனு அளித்துள்ளேன்" என்றார்.
இதையும் படிங்க : ஏழை எளிய மக்களுடன் சமபந்தி விருந்தில் கலந்துகொண்ட மாவட்ட ஆட்சியர்!