கோயம்புத்தூர்: ஆலாந்துறை அடுத்து மேற்குத்தொடர்ச்சி மலை அடிவாரத்தில் பூண்டி வெள்ளியங்கிரி ஆண்டவர் கோயில் உள்ளது. இதன் மூலவர் 7ஆவது மலையான கிரி மலையின் உச்சியில் உள்ளதால், ஆண்டுதோறும் பிப்ரவரி முதல், மே மாதம் வரை மலையேறப் பக்தர்களுக்கு அனுமதி வழங்கப்படும்.
மகா சிவராத்திரி
குறிப்பாக மகாசிவராத்திரியின்போது ஆயிரக்கணக்கான பக்தர்கள் மலையேறுவது வழக்கம். கடந்த 2 ஆண்டுகளாக கரோனா பரவல் காரணமாக, பக்தர்கள் மலையேற அனுமதி மறுக்கப்பட்டது.
இந்நிலையில் இன்று (மார்ச் 1) மகாசிவராத்திரியை முன்னிட்டு வெள்ளியங்கிரி மலையேறுவதற்குப் பக்தர்கள் அனுமதி அளிக்கப்பட்டுள்ளது. மலையேறுவதற்கு அனுமதி எனத் தகவல் அறிந்ததும் கோவை மாவட்டம் மட்டுமின்றி திருப்பூர், ஈரோடு உள்ளிட்ட மாவட்டங்களிலிருந்தும் ஆயிரக்கணக்கான பக்தர்கள் கோவைக்கு வந்த வண்ணம் உள்ளனர்.
வெள்ளியங்கிரியில் ஆயிரக்கணக்கில் குவிந்த பக்தர்கள்