செயற்கைக்கோள் தொழில்நுட்பத்தை பள்ளி மாணவர்கள் அறிந்துகொள்ளும் வகையில் சிறிய ரக செயற்கைக்கோளை உருவாக்கும் பயிற்சி பட்டறையை கோவை மாவட்டம் கணியூர் அருகே உள்ள கே.பி.ஆர் பொறியியல் கல்லூரி தொடங்கியுள்ளது. இப்பயிற்சி வருகின்ற பிப்ரவரி மாதம் ஆறாம் தேதி வரை நடைபெறும். பயிற்சியின் இறுதியில் பிப்ரவரி 7ஆம் தேதி ராமேஸ்வரத்தில் அப்துல்கலாம் நினைவு இடத்தில் நடைபெறும் நிகழ்ச்சியில் பலூன்கள் மூலம் செயற்கைக்கோளை விண்ணில் செலுத்த உள்ளனர்.
இந்த பயிற்சியில் கோவை மாவட்டத்தைச் சேர்ந்த தனியார் மற்றும் அரசு பள்ளியில் படிக்கும் ஒன்பதாம் வகுப்பு முதல் 12-ஆம் வகுப்பு வரையிலான 200க்கும் மேற்பட்ட மாணவ, மாணவிகள் கலந்துகொண்டனர்.