ஜிஎஸ்டி வரி ஏய்ப்பு: தொழிலதிபர் கைது

கோயம்புத்தூர்: ஜிஎஸ்டி வரி ஏய்ப்பு மூலம் பல கோடிக்கு மேல் வருவாய் இழப்பு ஏற்படுத்தியதாக தொழிலதிபரை ஜிஎஸ்டி அலுவலர்கள் கைது செய்துள்ளனர்.

கோயம்புத்தூர் மாவட்டத்தில் கடந்த சில தினங்களாக ஜிஎஸ்டி அலுவலர்கள் பல்வேறு இடங்களில் சோதனை மேற்கொண்டு வருகின்றனர்.

அவ்வாறு சோதனை மேற்கொண்டு வந்த அலுவலர்கள் கோயம்புத்தூரில் இயங்கும் எம்.எஸ்.கே அசோசியேடட் டிரேடர்ஸ் என்ற நிறுவனம், போலியான இ-வே பில், இ-வாய்ஸ் ஆகிய ஆவணங்களை தயாரித்ததாகவும் போலி கணக்கு காட்டி அரசு அளிக்கும் சலுகைகளை பெற்றதாகவும் நிறுவன உரிமையாளர் சம்பத்குமாரை கைது செய்துள்ளனர்.

ரூபாய் 2 கோடிக்கு மேல் வரி ஏய்ப்பு செய்தால் கைது செய்ய சட்டம் உள்ள நிலையில், இவர் 7 கோடிக்கு மேல் வரி ஏய்ப்பு செய்ததால் பிணையில் வர இயலாது என்றும் அரசு தரப்பு அலுவலர்கள் கூறுகின்றனர்.

மேலும் இந்த வழக்கில் தொடர்புடைய டீலர்கள், பயன்பாட்டாளர்கள் குறித்து விசாரணை மேற்கொண்டு வருகின்றனர்.

இதையும் படிங்க:3 மாதங்களில் மீள்வோம்.. கிரெடாய் தலைவர் ஸ்ரீதரன் நம்பிக்கை!