பாதுகாப்பு உபகரணங்களின்றி பணியில் ஈடுபட்டுள்ள தூய்மைப் பணியாளர்கள்

கோயம்புத்தூர்: கருமத்தம்பட்டி பேரூராட்சியில் தூய்மைப் பணியாளர்கள், எந்த ஒரு பாதுகாப்பு உபகரணங்களும் இன்றி பணியில் ஈடுபடுவதால், அவர்களின் உடல் நலனைக்கருத்தில் கொண்டு, பாதுகாப்பு உபகரணங்கள் வழங்குமாறு பொதுமக்கள் கோரிக்கை வைத்துள்ளனர்.

தமிழ்நாட்டில் சுகாதாரப் பணியாளர்கள் சுழற்சி முறையில் பணியில் ஈடுபட்டு வருகின்றனர். அப்படி அவர்கள் பணியில் ஈடுபடும் பொழுது, அவர்களுக்குத் தேவையான பாதுகாப்பு உபகரணங்கள் அரசு சார்பில் வழங்கப்படும்.

இந்த நிலையில் கோயம்புத்தூர் மாவட்டம், கருமத்தம்பட்டி பேரூராட்சிக்கு உட்பட்ட சோமனூர் பகுதியில் துப்புரவுப் பணியில், ஈடுபட்டுள்ள பணியாளர்களுக்கு பேரூராட்சி சார்பில், எந்த ஒரு பாதுகாப்பு உபகரணங்களும் வழங்கப்படவில்லை.

அதனால், அவர்கள் கையுறை, முகக் கவசம் அணியாமல் சாக்கடைகளைத் தூர்வாரி வருகின்றனர்.

அதனால் அப்பகுதி மக்கள், அவர்களின் உடல் நலம் பாதிக்காமல் இருக்கத் தேவையான பாதுகாப்பு உபகரணங்களை பேரூராட்சி நிர்வாகம் வழங்க வேண்டும் என்று கோரிக்கை விடுத்துள்ளனர்.

இதையும் படிங்க:தினக்கூலி தொழிலாளர்களுக்கு அத்தியாவசியப் பொருள்கள் வழங்கிய எம்எல்ஏ