கோவை மாவட்டம் மேட்டுப்பாளையத்தை அடுத்த சிறுமுகை பகுதியைச் சேர்ந்தவர் வெங்கடேசன். ஆலைத் தொழிலாளியான இவர், நேற்று தனது குடும்பத்துடன் இருசக்கர வாகனத்தில் மேட்டுப்பாளையத்தில் நடந்த திருமண விழாவில் கலந்துகொண்டு சிறுமுகை திரும்பிக் கொண்டிருந்தார்.
இருசக்கர வாகனத்தில் மனைவி சவுமியா, மகன் நிதின், மகள் கவுசிகா ஆகியோருடன் திரும்பிக்கொண்டிருந்தபோது எதிர்பாராத விதமாக திடீரென்று கட்டுப்பாட்டை இழந்த இருசக்கர வாகனம் எதிரே வந்த கார் மீது மோதியது. இதில் சம்பவ இடத்திலேயே வெங்கடேசனும், அவரது ஏழு வயது மகள் கவுசிகாவும் உயிரிழந்தனர்.