தனியார் நிறுவன மேலாளர் வீட்டில் கொள்ளை - காவல் துறை விசாரணை!

கோவை: பொள்ளாச்சி அருகே தனியார் நிறுவன மேலாளரின் வீட்டின் பூட்டை உடைத்து 80 சவரன் நகை கொள்ளையடிக்கப்பட்ட சம்பவம் அப்பகுதி மக்களிடையே அதிர்ச்சியை ஏற்படுத்தியுள்ளது.

கோவை மாவட்டம், பொள்ளாச்சி அருகேவுள்ள சூளேஸ்வரன்பட்டியைச் சேர்ந்தவர் தர்மலிங்கம். இவர் புனேவிலுள்ள ஒரு தனியார் நிறுவனத்தில் மேலாளராக பணியாற்றிவருகிறார். இவரது மகன்கள் கோபால், ஜெகதீசன் இருவரும் கோவையில் உள்ள தனியார் நிறுவனத்தில் பணியாற்றிவருகின்றனர்.

இந்நிலையில் கடந்த இரு தினங்களுக்கு முன்பு உறவினர்கள் வீட்டில் நடைபெற்ற விழாவிற்கு குடும்பத்துடன் சென்றுள்ளனர். பின் விழா முடிந்து இன்று காலை வீட்டுக்கு வந்து பார்த்த தர்மலிங்கம், வீட்டின் பின்பக்க கதவு உடைக்கப்பட்டிருந்ததைக் கண்டு அதிர்ச்சியடைந்தார். உள்ளே சென்று பார்த்தபோது வீட்டிலிருந்த பீரோ உடைக்கப்பட்டும், அதிலிருந்து 80 சவரன் நகை கொள்ளையடிக்கப்பட்டதும் தெரியவந்தது.

இதனையடுத்து தர்மலிங்கம் காவல் துறையில் புகாரளித்துள்ளார். புகாரின் அடிப்படையில் சம்பவ இடத்திற்கு வந்த காவல் துறையினர், கைரேகை நிபுணர்களை வரவழைத்து, தடயங்களை ஆய்வு செய்து வருகின்றனர். எப்போதும் பரபரப்பாக காணப்படும் பகுதியில் அடையாளம் தெரியாத நபர்கள் வீட்டின் பூட்டை உடைத்து கொள்ளையடித்த சம்பவம் அப்பகுதி மக்களிடையே அச்சத்தை ஏற்படுத்தியுள்ளது.

இதையும் படிங்க:கொலை செய்த சடலத்துடன் தன்பாலின வன்புணர்வில் ஈடுபட்ட இருவர் கைது!