அடையாளம் தெரியாத நபர்கள் எஸ்.டி.பி.ஐ கட்சி நிர்வாகிகள் மீது தாக்குதல்

கோவை: காட்டூர் பகுதியில் எஸ்.டி.பி.ஐ கட்சியின் மாவட்ட செயலாளர் இக்பால், நிர்வாகி ஷாஜகானை அடையாளம் தெரியாத நபர்கள் தாக்கியதில் படுகாயம் அடைந்தனர்.

கோவை காட்டூர் பகுதியில் எஸ்.டி.பி.ஐ கட்சியின் மாவட்ட செயலாளர் இக்பால், நிர்வாகி ஷாஜகான் ஆகியோர் டீ குடிப்பதற்காக கடைக்கு சென்றனர். அப்போது அவர்களது எதிரே வாகனத்தில் வந்த அடையாளம் தெரியாத நபர்கள் கம்பியால் இக்பாலை தாக்கினர்.

இதைப் பார்த்த ஷாஜகான் தடுக்க சென்றபோது அவரையும் அந்த நபர்கள் தாக்கிவிட்டு அங்கிருந்து சென்றனர். இருவரும் படுகாயம் அடைந்த நிலையில் தரையில் விழுந்து கிடந்தனர்.

இதைப் பார்த்த அப்பகுதி மக்கள் அவர்களை மீட்டு கோவை அரசு மருத்துவமனைக்கு அனுப்பி வைத்தனர். காவல் துறையினர் இச்சம்பவம் குறித்து வழக்குப்பதிவு செய்து தாக்குதலில் ஈடுபட்ட நபர்களை தீவிரமாக தேடி வருகின்றனர்.

இதையும் படிங்க: கூர்க்கில் கவிழ்ந்த பேருந்து - 5 பேர் உயிரிழப்பு, 30 பேர் படுகாயம்!