கோயம்புத்தூர்:கோவை விமான நிலையத்திலிருந்து 22 விமானங்கள் நாள்தோறும் இயக்கப்பட்டு வருகின்றன. அதில் சர்வதேச அளவில் இரண்டு விமானங்கள் இயக்கப்படுகிறது. காலையில் ஏர் அரேபியா என்ற விமானமும், மாலையில் சிங்கப்பூர் செல்லும் விமானமும் இயக்கப்பட்டு வருகிறது.
இந்நிலையில் இன்று(ஜன.2) கோவையில் இருந்து காலை 7:17 மணியளவில் சார்ஜாவிற்கு செல்லும் ஏர் அரேபியா விமானம் கிளம்பியது. அப்போது ஓடுதள பாதையில் இருந்து மேல் நோக்கி விமானம் உயர்த்தப்பட்ட நிலையில் சிறிது உயரத்திலேயே விமானத்தின் இடது பக்க இஞ்சினில் இரண்டு பறவைகள்(கழுகுகள்) மோதியது. இதனால் பாதுகாப்பு கருதி விமானம் உடனடியாக கோவை விமான நிலையத்திலேயே தரையிறக்கப்பட்டது.