'மோசடி செய்த ரூ. 9 கோடியை மக்களுக்குத் திருப்பி அளிக்கத் தயார்' - மனம் திருந்திய ஜுவல்லரி அதிபர்

கோவை: மக்களிடம் வாங்கிய ரூ. 9 கோடி பணத்தை வாடிக்கையாளர்களுக்குத் திருப்பித் தர தயார் என்று முல்லை ஜுவல்லரி நிறுவனர் குறிஞ்சி உறுதியளித்தார்.

சில மாதங்களுக்கு முன்பு ரூ. 500 கோடி மோசடி வழக்கில் சிறைக்குச் சென்ற முல்லை ஜுவல்லரி நிறுவனர் குறிஞ்சி, கோவை பிரஸ் கிளப்பில் செய்தியாளர்களைச் சந்தித்து பேசினார். அதில், ' என் பெயரில் கோவை , ஈரோடு, மேட்டூர் , கோபிச்செட்டிபாளையம் ஆகியப் பகுதிகளில் கடை உள்ளது. என் மீது கூறப்படும் ரூ. 500 கோடி மோசடி வழக்குக் காரணமாக, கடந்த ஜூலை ஒன்றாம் தேதி நீதிமன்றத்தில் ஆஜராகி 5 மாதம் சிறையில் இருந்துவிட்டு நேற்று முன் தினம் தான், நான் விடுதலையாகி வந்தேன்.

ஆனால், நான் ரூ. 500 கோடி மோசடி செய்யததாகக் கூறப்படுவது முற்றிலும் பொய்யானது. நான் மக்களிடம் பெற்றது வெறும் ரூ. 9 கோடி தான். இந்தப் பணத்தை எனது வாடிக்கையாளர்களுக்கு தருவதற்கு தற்போது தயாராக உள்ளேன்.

மேலும் ஒரே நேரத்தில் மக்கள் அனைவரும் பணத்தைத் திருப்பி கேட்டதால் தான், தன்னால் வர இயலவில்லை என்றும்; ஆனால், தற்போது முழுப் பணத்தையும் தரத் தயாராக ' இருப்பதாகத் தெரிவித்தார். அந்த மொத்த பணத்தையும் நீதிமன்றத்தில் செட்டில்மென்ட் பெட்டிஷன் போட்டு திருப்பித் தருவதாக உறுதியளித்தார்.

தற்போது, தன் மீது சில அரசியல் கட்சியினர் , கட்டப்பஞ்சாயத்து செய்யும் நபர்கள் கொலை மிரட்டல் விடுப்பதாகத் தெரிவித்தார்.

இதையும் படிங்க: கர்ப்பிணி பாலியல் வன்கொடுமை: மாதர் சங்கம் ஆர்ப்பாட்டம்!