கோவை ராஜவீதி பகுதியில் உள்ள கடைகளில் குட்கா பொருள்கள் விற்பனை செய்யப்படுவதாக உணவு பாதுகாப்புத் துறை அலுவலர்களுக்கு ரகசிய தகவல் கிடைத்தது. இந்தத் தகவலின்பேரில் கோவை மாவட்ட உணவு பாதுகாப்புத் துறை அலுவலர் தமிழ்ச்செல்வன் தலைமையிலான அலுவலர்கள் அப்பகுதியில் திடீர் ஆய்வு மேற்கொண்டனர்.
அப்போது ராஜவீதி, இடையர் வீதி பகுதியில் உள்ள குடோனில் பதுக்கி வைக்கப்பட்டிருந்த 7 லட்சம் ரூபாய் மதிப்புள்ள 250 கிலோ தடை செய்யப்பட்ட குட்கா பொருள்கள் பறிமுதல் செய்யப்பட்டன. மேலும் குட்காவை பதுக்கி வைத்திருந்த இரண்டு குடோனுக்கு சீல் வைக்கப்பட்டது. இது தொடர்பாக, குடோனின் உரிமையாளர்களான நாகாராம், பேராராம், ரஜேஷ், ஹரிஸ் தேவசி ஆகியோரிடம் விசாரணை நடத்தப்பட்டுவருகிறது.
கோவையில் 250 கிலோ குட்கா பறிமுதல்