சென்னை புறநகர்ப் பகுதிகளில் பரவலாக மழை

சென்னை புறநகர்ப் பகுதிகளில் நள்ளிரவு முதல் பரவலாக லேசான முதல் மிதமான மழை பெய்துவருகிறது.

சென்னை:சென்னை புறநகர்ப் பகுதிகளான தாம்பரம், குரோம்பேட்டை, பல்லாவரம், சேலையூர், செம்பாக்கம், மாடம்பாக்கம், பெருங்களத்தூர், வண்டலூர் உள்ளிட்ட பகுதிகளில் அதிகாலை முதல் மேகமூட்டத்துடன் தொடர்ச்சியாக மிதமான மழை பெய்துவருகிறது.

இதனால் தாழ்வான பகுதிகளில் மழை நீர் தேங்கிவருகிறது. மேலும் சாலைகளில் மழைநீர் தேங்கியுள்ளதால் போக்குவரத்து பாதிப்பு ஏற்பட்டுள்ளது.

சென்னையைப் பொறுத்தவரை அடுத்த 48 மணிநேரம் வானம் மேகமூட்டத்துடனும், நகரின் ஒருசில பகுதிகளில் மழை பெய்யும் எனவும் வானிலை ஆய்வு மையம் நேற்று தெரிவித்திருந்தது.

இதையும் படிங்க:கனமழையால் ஊருக்குள் புகுந்த மழை நீர் - பொதுமக்கள் அவதி