கறுப்பர் கூட்டம் யூடியூப் சேனலில் கந்த சஷ்டி கவசம் குறித்து அவதூறு பரப்பும் வகையில் கருத்துகள் தெரிவித்ததாக இதுவரை இருவர் கைது செய்யப்பட்டு, சிறையில் அடைக்கப்பட்டுள்ளனர். மேலும், அவர்கள் அலுவலகங்களிலிருந்து முக்கிய ஆவணங்கள் கைப்பற்றப்பட்டுள்ளன.
இந்நிலையில், தமிழ்நாடு ஊரக வளர்ச்சித் துறை அமைச்சர் வேலுமணி தனது ட்விட்டர் பதிவில் இச்சம்பவம் தொடர்பாக திமுக தலைவர் ஸ்டாலினை விமர்சித்துள்ளார். அதில், “தேர்தல் வரும்போது மட்டும்தான் ஒருவருக்கு அனைத்துத் தரப்பு மக்களும், அவர்களது உணர்வுகளும் திடீர் நினைவிற்கு வரும் போலும். கோயில் கோயிலாகப் படியேறும் அரசியல் நேர்த்திக்கடன் நாடகங்களும் அரங்கேறும்.