காயிதேமில்லத் நினைவிடத்தில் வைகோ மரியாதை

சென்னை: காயிதேமில்லத்தின் 124ஆவது பிறந்தநாளை முன்னிட்டு அவரது நினைவிடத்தில் வைகோ மரியாதை செலுத்தினார்.

காயிதேமில்லத்தின் 124ஆம் ஆண்டு பிறந்தநாள் விழாவை முன்னிட்டு திருவல்லிக்கேணி மசூதி வளாகத்தில் அமைந்திருக்கக்கூடிய அவருடைய நினைவிடத்தில் மதிமுக பொதுச் செயலாளர் வைகோ மலர் போர்வை போர்த்தி மரியாதை செலுத்தினார்.

பின்னர் செய்தியாளர்களிடம் பேசிய அவர், இந்திய நாட்டின் அழியா புகழுக்கு உரிய தலைவர்களில் ஒருவரான காயிதேமில்லத், அரசியல் நிர்ணய சபையில் ‘என் இன்ப தமிழ் மொழி’ என்று கூறி தமிழ் மொழியை நாட்டின் ஆட்சி மொழியாக்க வேண்டும் என குரல் கொடுத்தவர் என்றார்.

அதேபோல், இந்து, இஸ்லாம், கிறிஸ்தவர் என அனைவரும் ஒன்றாக இருக்க வேண்டும் என்று நினைத்த அவரின் இந்த பிறந்தநாளில் மதச்சார்பின்மையை நிலை நாட்டிட வேண்டும் என நாம் உறுதி ஏற்போம் என்றும் வைகோ தெரிவித்தார்.