உதயநிதி ஸ்டாலின் அமைச்சராக உள்ளதாக வெளிவந்து கொண்டிருக்கும் தகவலை அடுத்து, சென்னை தலைமைச் செயலகத்தில் அவருக்கான அறை தயார் செய்யப்பட்டு வருவதாக தெரிகிறது
சென்னை: தமிழ்நாடு அரசின் தலைமைச்செயலகத்தில் முதலமைச்சர், 34 அமைச்சர்கள், தலைமைச் செயலாளர் மற்றும் இதர துறை செயலாளர்களின் அறைகள் உள்ளன. இந்த நிலையில் முதலமைச்சர் மு.க.ஸ்டாலினின் மகனும், சேப்பாக்கம் சட்டமன்ற உறுப்பினருமான உதயநிதி ஸ்டாலினுக்கு இளைஞர் நலன், விளையாட்டு மற்றும் சிறப்பு திட்ட செயலாக்கத்துறை அமைச்சர் பதவி வழங்கப்பட உள்ளதாகத் தகவல்கள் வெளியாகி உள்ளன.
இதற்காக தலைமைச்செயலகத்தின் இரண்டாவது மாடியில் சிறப்பு திட்ட செயலாக்கத்துறை அலுவலர்களின் அறை மாற்றப்பட்டு வருவதாகத் தெரிகிறது. இதனை தலைமைச் செயலக பொதுப்பணித்துறை சார்ந்த 50 ஊழியர்கள் மாற்றி வருகின்றனர்.