துளசி அய்யா வாண்டையார் மறைவிற்கு மனிதநேய மக்கள் கட்சியின் தலைவர் பேராசிரியர் எம்.எச்.ஜவாஹிருல்லா வெளியிட்டுள்ள இரங்கல் செய்தியில் கூறியிருப்பதாவது, "தஞ்சை மாவட்டத்தின் பாரம்பரிய குடும்பத்தைச் சேர்ந்தவரும் முன்னாள் நாடாளுமன்ற உறுப்பினருமான துளசி அய்யா வாண்டையார் அவர்கள் இன்று மரணமடைந்தார் என்ற செய்தி அறிந்து அதிர்ச்சியுற்றேன்.
தஞ்சையில் 'பூண்டி' என்ற இடத்தில், தனது கல்லூரி மூலம் பல ஏழை மாணவர்களுக்கு கல்வி ஞானத்தை அளித்து, அவர்களின் வாழ்க்கையில் ஒளி ஏற்றியவர், துளசி அய்யா வாண்டையார். தனது கல்லூரியின் மூலமாக பல மாணவர்களுக்கு கல்வி அளித்த காரணத்தினாலேயே இவர் 'கல்விக் காவலர்' எனப் போற்றப்பட்டார். காந்தியக் கொள்கைகளில் உறுதியாக இருந்ததால் தனது கடைசி மூச்சு வரை கதர் ஆடையை மட்டுமே உடுத்தி வந்தவர், துளசி அய்யா வாண்டையார்.