சென்னையில் நாளை மின்தடை எங்கெல்லாம் தெரியுமா?

சென்னையில் செம்பரம்பாக்கம், பொன்னேரி பகுதிகளில் நாளை மின்தடை ஏற்படுத்தப்படும் என தமிழ்நாடு மின் உற்பத்தி மற்றும் பகிர்மானக் கழகம் தெரிவித்துள்ளது.

சென்னை: இது தொடர்பாக தமிழ்நாடு மின் உற்பத்தி மற்றும் பகிர்மானக்கழகம் வெளியிட்டுள்ள செய்திக் குறிப்பில், "சென்னையில் நாளை காலை 9 மணி முதல் மதியம் 2 மணி வரை மின்வாரிய பராமரிப்புப் பணி காரணமாக செம்பரம்பாக்கம், பொன்னேரி பகுதிகளில் கீழ்க்காணும் இடங்களில் மின் விநியோகம் நிறுத்தப்படும். மதியம் 2 மணிக்குள் பராமரிப்புப் பணி முடிவடைந்தவுடன் மின் விநியோகம் கொடுக்கப்படும்.

செம்பரம்பாக்கத்தில் பனிமலர் பொறியியல் கல்லூரி, வரதராஜபுரம் பகுதிகளிலும், பொன்னேரியில் இருளிபட்டு, அழிஞ்சிவாக்கம், ஜகநாதபுரம், பெரியபாளையம் ரோடு, விருந்தவன் நகர், குதிரபல்லம் மற்றும் சுற்றியுள்ள பகுதிகளிலும் மின் விநியோகம் நிறுத்தப்படும்" எனத் தெரிவிக்கப்பட்டுள்ளது.