தங்கம் விலை சவரனுக்கு ரூ.80 அதிகரிப்பு

சென்னையில் ஆபரணத் தங்கத்தின் விலை நேற்றைய விலையுடன் ஒப்பிடுகையில் சவரனுக்கு 80 ரூபாய் அதிகரித்துள்ளது.

சென்னை: தமிழ்நாட்டில் தங்கத்தின் விலை கடந்த சில நாள்களாக ஏறுவதும், இறங்குவதுமாக உள்ளது.

இந்நிலையில், இன்று (ஜூலை 10) சென்னையில் ஆபரணத் தங்கத்தின் விலை, சவரனுக்கு ரூ.80 அதிகரித்து, ரூ.36,200-க்கு விற்பனை செய்யப்பட்டு வருகிறது.

தங்கம்

நேற்று (ஜூலை 9) 1 கிராம் தங்கம் ரூ. 4,520-க்கு விற்பனையாகிய நிலையில், தற்போது ரூ. 5 அதிகரித்து ரூ.4,525-க்கு விற்பனையாகிறது.

கடந்த மாதத்தில் ஆபரணத் தங்கம் சவரன் 36 ஆயிரத்திற்கும் கீழ் விற்பனையாகி வந்த நிலையில், இந்த மாதத்தில் 36 ஆயிரத்தைத் தாண்டியுள்ளது.

வெள்ளி

மேலும், வெள்ளி விலை கிராமுக்கு 70 காசுகள் உயர்ந்து, ஒரு கிராம் வெள்ளி ரூ.74.10-க்கும், ஒரு கிலோ வெள்ளி ரூ.74,100-க்கும் விற்பனையாகிறது.

இதையும் படிங்க:கீழடியில் உறை கிணறு கண்டுபிடிப்பு!