நாட்டில் கரோனா வைரஸ் தொற்று பரவல் காரணமாக கடந்த மார்ச் மாதம் 24ஆம் தேதியிலிருந்து விமான போக்குவரத்து தடை செய்யப்பட்டது. இதனால் வெளிநாடுகளிலிருந்து சொந்த ஊருக்கு திரும்ப முடியாமல் இந்தியர்கள் கடும் அவதிக்குள்ளாகி உள்ளனர். இந்தியாவிற்கு திரும்ப உரிய நடவடிக்கை எடுக்க வேண்டும் என்று கோரிக்கை எழுந்தது.
இந்நிலையில் வெளிநாடுகளில் உள்ள இந்தியர்களை சொந்த நாட்டிற்கு அழைத்து வர உரிய நடவடிக்கை எடுக்கப்படும் என்று மத்திய அரசு அறிவித்தது. இதையடுத்து நாளை துபாயிலிருந்து இரண்டு விமானங்களில் 400க்கும் மேற்பட்டவர்களை அழைத்துக்கொண்டு முதல் விமானம் சென்னை வர உள்ளது.
இதனையடுத்து சென்னை விமான நிலையத்தில் செய்யப்பட்டுள்ள ஏற்பாடுகள் குறித்து தமிழ்நாடு அரசின் முதன்மை செயலாளர் ராஜேஷ் லக்கானி தலைமையில் ஆய்வு நடந்தது.