13:26 June 21
வரும் 3 நாட்கள் சட்டப்பேரவைக் கூட்டத்தொடர்: அலுவல் ஆய்வுக்கூட்டத்தில் முடிவு
இதையடுத்து சபாநாயகர் அப்பாவு ஆளுநரின் உரையை தமிழில் வாசித்தார். பின்னர், சபாநாயகர் அப்பாவு தலைமையில் அலுவல் ஆய்வுக்கூட்டம் நடைபெற்றது. இதில் தமிழ்நாட்டில் சட்டப்பேரவைக் கூட்டத்தொடர் 24ஆம் தேதி வியாழன் வரை 3 நாட்கள் நடைபெறும் என அலுவல் ஆய்வுக்குழு கூட்டத்தில் முடிவு எடுக்கப்பட்டுள்ளது.
இதையடுத்து ஆளுநர் உரை மீதான விவாதம் நாளை மறுநாள் தொடங்குவதாக அறிவிக்கப்பட்டுள்ளது.
11:39 June 21
சுய உதவிக்குழுக்களில் பொருளாதார செயல்பாடுகளை உயர்த்த வங்கிக்கடன் வழங்க ஏற்பாடு
11:18 June 21
தமிழ் வழியில் பயின்றவர்களுக்கு அரசுப்பணிகளில் முன்னுரிமை
11:16 June 21
பாரம்பரிய சுற்றுலா ஊக்குவிக்கப்படும் - ஆளுநர்
11:13 June 21
போக்குவரத்து வசதிகளுக்கு முன்னுரிமை
11:10 June 21
சிங்காரச் சென்னை 2.0 என்னும் புதிய திட்டம்
11:08 June 21
மதுரையில் ரூ.70 கோடி செலவில் சர்வதேச தரத்தில் பொது நூலகம்
11:06 June 21
குடும்ப அட்டைகோரினால் 15 நாட்களுக்குள் ஸ்மார்ட் கார்டு
ஆவின் விலை தமிழ்நாடு அரசால் அளிக்கப்பட்டதை அடுத்து, தற்போது ஆவின் நிறுவனத்தின் தினசரி பால் விற்பனை ஏறத்தாழ 1.5 லட்சம் லிட்டர் அளவு உயர்ந்துள்ளது.
குடும்ப அட்டை கோரி விண்ணப்பிக்கும் தகுதி வாய்ந்த அனைத்து நபர்களுக்கும் 15 நாட்களுக்குள் ஸ்மார்ட் கார்டு வழங்கப்படும்: ஆளுநர்
11:03 June 21
கச்சத்தீவை மீட்க ஒன்றிய அரசுக்கு தொடர்ந்து அழுத்தம்
கச்சத்தீவை மீட்க ஒன்றிய அரசுக்கு தொடர்ந்து அழுத்தம் கொடுப்பது உட்பட நமது மீனவர்களின் சமூக நலன்களை இந்த அரசு பாதுகாக்கும். இலங்கை கடற்படையினரால் தமிழ்நாட்டு மீனவர்கள் தாக்கப்படுவதும் கைது செய்யப்படுவதும் உயிரிழப்பு ஏற்படுவதும் போன்ற நிகழ்வுகளுக்கு நிரந்தர தீர்வுகாண ஒன்றிய அரசை தமிழ்நாடு அரசு வலியுறுத்தும்.
மேலும் உள்நாட்டு மீனவர்களின் அனைத்து நலன்களையும் பாதுகாப்பதற்காக மீனவர்கள் நலனுக்காக தேசிய ஆணையத்தை அமைக்க மத்திய அரசிடம் அரசை வலியுறுத்தும்: ஆளுநர்
10:57 June 21
ஆளுநர் உரையைக் கவனித்த ஈபிஎஸ், ஓபிஎஸ்
எதிர்க்கட்சித்தலைவர் எடப்பாடி பழனிசாமி, துணைத்தலைவர் ஓ.பன்னீர்செல்வம் ஆகியோர் தமிழ்நாடு சட்டப்பேரவையில் ஆளுநர் உரையில் கலந்து கொண்டு, உரையைக் கவனித்தனர்.
10:55 June 21
தமிழ்நாடு அரசு வைத்த கோரிக்கைகள் நிறைவேற்றப்படும் என நம்புவோம் - ஆளுநர்
மத்திய அரசிடம் தமிழ்நாடு அரசு வைத்த கோரிக்கைகள் நிறைவேற்றப்படும் என நம்பிக்கை உள்ளது - ஆளுநர்
10:51 June 21
சமத்துவத்தை அடித்தளமாக கொண்ட அரசாக செயல்படும் - ஆளுநர்
சமூகநீதி, சமத்துவத்தை அடித்தளமாக கொண்ட அரசாக தமிழ்நாடு அரசு செயல்படும்; மாநில சுயாட்சி இலக்கை எட்ட தமிழ்நாடு அரசு உறுதியாக உள்ளது - ஆளுநர்
10:48 June 21
ஈழத்தமிழர்களுக்கு அரசியல் உரிமைகளை உறுதி செய்திட இலங்கை அரசை வலியுறுத்துவோம்
ஈழத் தமிழர்களுக்கு சம குடியுரிமை, அரசியல் உரிமைகளை உறுதி செய்திட இலங்கை அரசை அறிவுறுத்துமாறு ஒன்றிய அரசுக்கு வலியுறுத்தப்படும் - ஆளுநர்
10:48 June 21
அனைவருக்குமான அரசு
தமக்கு வாக்களித்தவர், வாக்களிக்காதவர் என பாரபட்சமின்றி மக்கள் அனைவருக்குமான அரசாக இந்த அரசு செயல்படும்; சமூக நீதி, சமத்துவத்தை அடித்தளமாகக் கொண்ட அரசாக இந்த அரசு செயல்படும் - ஆளுநர்
10:47 June 21
எல்லா வளமும் கொண்ட மாநிலமாக தமிழ்நாட்டை மாற்ற அரசு உறுதி
பெரியார் காண விரும்பிய சுயமரியாதை சமூகமாகவும் உரிமை பெற்ற மக்களாகவும் எல்லா வளமும் கொண்ட மாநிலமாக தமிழ்நாட்டை மாற்றுவதற்கு தமிழ்நாடு அரசு உறுதி ஏற்று உள்ளது - ஆளுநர்
10:43 June 21
நிதிநிலையை விளக்கும் வெள்ளை அறிக்கை ஜூலையில் வெளியீடு
தமிழ்நாடு நிதிநிலையின் உண்மையான நிலையை விளக்கும் வகையில் வெள்ளை அறிக்கை ஜூலை மாதம் வெளியிடப்படும் - ஆளுநர்
10:43 June 21
வடமாவட்டங்களில் அதிக வேலைவாய்ப்புகள் ஏற்படுத்தப்படும்
சென்னை - கன்னியாகுமரி தொழில் பெரு வழியிலும் சென்னை - பெங்களூரு தொழில் பெருவழியிலும் அமைந்துள்ள தொழில் வளர்ச்சிக் குறைவாக உள்ள வட மாவட்டங்களில் அதிக வேலைவாய்ப்புகளை ஏற்படுத்தக்கூடிய தொழில் நிறுவனங்களைத் தொடங்குவதற்கான அனைத்து நடவடிக்கைகளையும் அரசு எடுக்கும் - ஆளுநர்
10:43 June 21
சிறு, குறுதொழில்களை மீட்க நிபுணர் குழு அமைப்பு
சிறு, குறு மற்றும் நடுத்தர தொழில் நிறுவனங்களை மீட்டெடுப்பதற்கான திட்டங்களை வகுப்பதற்காக தொழிலதிபர்கள், வங்கியாளர்கள், நிதித் துறை வல்லுநர்கள், அரசு அலுவலர்கள் ஆகியோர் அடங்கிய நிபுணர் குழு அமைக்கப்படும் - ஆளுநர்
10:41 June 21
கால்வாய்களைத் தூர்வாரும் பணிகள் தீவிரம்
2021 - 22ஆம் ஆண்டில் 125 லட்சம் மெட்ரிக் டன் உணவு தானிய உற்பத்தி இலக்கை அடைய காவிரி டெல்டா கடைமடைப் பகுதிவரை நீர் சென்றடைய 4,061 கிலோ மீட்டர் நீளமுள்ள கால்வாய்களைத் தூர்வாரும் பணிகள் போர்க்கால அடிப்படையில் மேற்கொள்ளப்பட்டு வருகிறது - ஆளுநர்
10:37 June 21
இணையவழி மூலம் அரசு சேவையைப் பெற வழிவகை - ஆளுநர்
மின் ஆளுகையை ஊக்குவித்து இணையவழி மூலம் அரசு சேவைகளை பெறுவதற்கு எங்கும் எப்போதும் பொதுமக்கள் உடனுக்குடன் இணைய வழி வாயிலாகப் பெற வழிவகை செய்யப்படும் - ஆளுநர்
10:35 June 21
இலங்கை அகதிகளுக்கு இந்திய குடியுரிமை வழங்க வலியுறுத்துவோம்
இலங்கை அகதிகளுக்கு இந்திய குடியுரிமை வழங்கத் தேவையான சட்டங்களையும் சட்டத் திருத்தங்களையும் மேற்கொள்ளுமாறு தமிழ்நாடு அரசு ஒன்றிய அரசை வற்புறுத்தும் - ஆளுநர்
10:32 June 21
புதிய தடுப்பூசி கிடைக்க ஒன்றிய அரசை வலியுறுத்துவோம்
18 வயதுக்கு மேற்பட்ட அனைத்து மக்களுக்கும் தடுப்பூசி வழங்குவதற்கு புதிய தடுப்பூசி கிடைக்க உறுதி செய்யுமாறு ஒன்றிய அரசுக்கு தமிழ்நாடு அரசு வலியுறுத்தியுள்ளது - ஆளுநர்
10:30 June 21
கரோனாவால் பாதிக்கப்பட்டவர்களுக்கு நிதியுதவி
கரோனாவால் பாதிக்கப்பட்டவர்களுக்கு வாழ்வாதார உதவியாக மொத்தம் 10 ஆயிரத்து 68 கோடி ரூபாய் இந்த அரசு பதவி ஏற்றது முதல் வழங்கியுள்ளது.
10:25 June 21
முல்லைப்பெரியாறு அணையை வலுப்படுத்தும் நடவடிக்கைகளுக்கான அனுமதியை ஒன்றிய அரசு வழங்க வேண்டும்
முல்லைப் பெரியாறு அணையை வலுப்படுத்தும் நடவடிக்கைகளுக்கான அனுமதியை ஒன்றிய அரசும் கேரள அரசும் வழங்க வேண்டும் என ஆளுநர் வலியுறுத்தியுள்ளார்.
10:22 June 21
3ஆவது அலையைச் சமாளிக்க அரசு உறுதி
கரோனா மூன்றாவது அலையைச் சமாளிக்க இந்த அரசு அனைத்துவித முன்னேற்பாட்டு நடவடிக்கைகளையும் செய்யும் என ஆளுநர் பன்வாரிலால் புரோஹித் உறுதியளித்தார்.
10:20 June 21
திரவ மருத்துவ ஆக்ஸிஜனுக்கு ரூ.50 கோடி ஒதுக்கீடு
திரவ மருத்துவ ஆக்ஸிஜனுக்கு ரூ.50 கோடி ஒதுக்கீடு செய்யப்பட்டுள்ளது என ஆளுநர் தெரிவித்துள்ளார்.
10:16 June 21
நீட் தேர்வை ரத்து செய்ய சட்டமுன் வடிவு: ஆளுநர்
நீட் தேர்வை ரத்து செய்ய சட்டமுன் வடிவு கொண்டு வந்து, குடியரசுத்தலைவரை வலியுறுத்துவோம் என ஆளுநர் பன்வாரிலால் புரோஹித் தெரிவித்துள்ளார்.
10:13 June 21
மீண்டும் உழவர் சந்தைகள்
கருணாநிதியால் தொடங்கப்பட்ட உழவர் சந்தைகள் மீண்டும் புத்துயிர் ஊட்டப்பட்டு மீண்டும் உருவாக்கப்படும் என ஆளுநர் பன்வாரிலால் புரோஹித் கூறினார்
10:12 June 21
தமிழை இந்திய அலுவல் மொழியாக்க வலியுறுத்துவோம்: ஆளுநர்
தமிழை இந்திய அலுவல் மொழியாக்க வலியுறுத்துவோம் என ஆளுநர் பன்வாரிலால் புரோஹித் வலியுறுத்தியுள்ளார்.
10:03 June 21
தமிழ் இனிமையான மொழி - ஆளுநர்
தமிழ் இனிமையான மொழி என்று தமிழ்நாடு சட்டப்பேரவை கூட்டத்தொடரில் ஆளுநர் பன்வாரிலால் புரோஹித் தனது உரையைத் தொடங்கினார்
09:12 June 21
தமிழ்நாடு 16ஆவது சட்டப்பேரவையின் முதல் கூட்டத்தொடர், கரோனா பரவல் காரணமாக, ஓமந்தூரார் தோட்டத்தில் அமைந்திருக்கும் கலைவாணர் அரங்கில் இன்று நடைபெறுகிறது.
மரபுப்படி தமிழ்நாடு ஆளுநர் பன்வாரிலால் புரோஹித் இன்று காலை 10 மணிக்குத் தனது உரையை சட்டப்பேரவைக் கூட்டத்தில் ஆங்கிலத்தில் படிக்க இருக்கிறார்.
