18:01 October 22
சென்னை: தமிழ்நாட்டில் தொடர்ந்து மூன்று நாள்களுக்கு மேல் 4 ஆயிரத்துக்கு குறைவான எண்ணிக்கையில் கரோனா பாதிப்பு இருந்து வரும் நிலையில், தற்போது மொத்த பாதிப்பின் எண்ணிக்கை 7 லட்சத்து 193ஆக உயர்ந்துள்ளது.
இது தொடர்பாக மக்கள் நல்வாழ்வு துறை இன்று (அக். 22) வெளியிட்டுள்ள புள்ளி விவர தகவலில் கூறியிருப்பதாவது:
தமிழ்நாட்டில் புதிதாக சென்னை, கோவை, திருநெல்வேலி ஆகிய மூன்று நகரங்களில் ஆர்டிபிசிஆர் பரிசோதனை மேற்கொள்ள தனியார் ஆய்வகங்களுக்கு இந்திய மருத்துவ ஆராய்ச்சிக் கழகம் அனுமதி வழங்கியுள்ளது.
மாநிலத்தில் புதிதாக 79 ஆயிரத்து 821 நபர்களுக்கு ஆர்டிபிசிஆர் பரிசோதனை மேற்கொள்ளப்பட்ட நிலையில், 3 ஆயிரத்து 77 நபர்கள் கரோனா வைரஸ் தொற்றினால் பாதிக்கப்பட்டிருப்பது கண்டறியப்பட்டுள்ளது.
இதுவரை 90 லட்சத்து 19 ஆயிரத்து 152 நபர்களுக்கு ஆர்டிபிசிஆர் பரிசோதனை செய்யப்பட்டுள்ளது. இதன்மூலம் 7 லட்சத்து 193 நபர்கள் கரோனா வைரஸ் தொற்றினால் பாதிக்கப்பட்டிருப்பது தெரியவந்துள்ளது. இதையடுத்து தற்போது மருத்துவமனைகள் மற்றும் தனிமைப்படுத்தும் மையங்களில் 34 ஆயிரத்து 198 நபர்கள் சிகிச்சை பெற்று வருகின்றனர்.
மருத்துவமனைகளில் சிகிச்சை பெற்று வந்தவர்களில் 4 ஆயிரத்து 314 நபர்கள் குணமடைந்து, இன்று வீட்டுக்கு திரும்பியுள்ளனர். இதனால் குணமடைந்தவர்கள் எண்ணிக்கை 6 லட்சத்து 55 ஆயிரத்து 170ஆக உயர்ந்துள்ளது.
கரோனா வைரஸ் தொற்று பாதிப்பால் மருத்துவமனைகளில் சிகிச்சைப் பெற்று வந்தவர்களில், தனியார் மருத்துவமனைகளில் 20, அரசு மருத்துவமனைகளில் 25 என 45 நபர்கள் கடந்த 24 மணி நேரத்தில் உயிரிழந்தனர். இதன் மூலம் கரோனாவால் மாநிலத்தில் இறந்தவர்களின் எண்ணிக்கை 10 ஆயிரத்து 825ஆக உயர்ந்துள்ளது.
மாவட்ட வாரியாக பாதிப்பு நிலவரம்
சென்னை - 1,93,299
செங்கல்பட்டு - 42,063
கோயம்புத்தூர் - 40,982
திருவள்ளூர் - 36,657
காஞ்சிபுரம் - 24,772
சேலம் - 25,838
கடலூர் - 22,796
மதுரை - 18,256
திருவண்ணாமலை - 17,258
வேலூர் - 17,343
தேனி - 16,065
விருதுநகர் - 15,250
ராணிப்பேட்டை - 14,637
தூத்துக்குடி - 14,639
கன்னியாகுமரி - 14,506
தஞ்சாவூர் - 14,790
திருநெல்வேலி - 14,002
விழுப்புரம் - 13,355
திருச்சிராப்பள்ளி - 12,097
திருப்பூர் - 11,727
புதுக்கோட்டை - 10,355
கள்ளக்குறிச்சி - 10,074
திண்டுக்கல் - 9,659
திருவாரூர் - 9,251
ஈரோடு - 9,396
தென்காசி - 7,766
நாமக்கல் - 8,422
நாகப்பட்டினம் - 6,407
ராமநாதபுரம் - 5,924
திருப்பத்தூர் - 6,305
சிவகங்கை - 5,730
கிருஷ்ணகிரி - 6,221
நீலகிரி - 6,273
தருமபுரி - 5,371
அரியலூர் - 4,302
கரூர் - 3,898
பெரம்பலூர் - 2,096
சர்வதேச விமானத்தில் வந்தவர்கள் - 925
உள்நாட்டு விமானத்தில் வந்தவர்கள் - 982
ரயில் மூலம் வந்தவர்கள் - 428
இதையும் படிங்க: இந்தியாவில் 77 லட்சத்தை தாண்டிய கரோனா பாதிப்பு!