சென்னை கொருக்குப்பேட்டையில் நேற்று மாலை (நவ.03) இருசக்கர வாகனத்தில் சென்றபோது, மாஞ்சா நூல் கழுத்தை அறுத்ததில் மூன்று வயது சிறுவன் பரிதாபமாக உயிரிழந்தான். மாஞ்சா நூலைப் பயன்படுத்த தடை விதிக்கப்பட்ட நிலையில், தடையை மீறி பட்டம் விட்ட கொருக்குப்பேட்டை நாகராஜ், 15 வயது சிறுவன் உட்பட இரண்டு பேரைக் காவல்துறையினர் கைது செய்தனர்.
'சிறுவன் உயிரிழந்தது வருத்தம் அளிக்கிறது'
இந்நிலையில், இச்சம்பவம் குறித்து சென்னை வடக்கு கூடுதல் ஆணையர் தினகரன் கூறுகையில், "மாஞ்சா நூல் பயன்படுத்துவது சென்னையில் தடைசெய்யப்பட்டுள்ள நிலையில், மூன்று வயது சிறுவன் மாஞ்சா நூலில் சிக்கி உயிரிழந்துள்ள சம்பவம் வருத்தமளிக்கிறது.