சென்னை: சீர்மிகு சட்டப்பள்ளியில் உள்ள ஹானர்ஸ் படிப்புகளின் மாணவர் சேர்க்கைக்கான கட் ஆப் மதிப்பெண்கள், தரவரிசைப் பட்டியல் வெளியிடப்பட்டுள்ளது.
தமிழ்நாடு டாக்டர் அம்பேத்கார் சட்டப்பல்கலைக் கழகத்தால் நடத்தப்படும் ஐந்து ஒருங்கிணைந்த சட்டப்படிப்பிற்கான விண்ணப்பங்கள் ஆன்லைன் மூலம் ஆகஸ்ட் 5ஆம் தேதி முதல் செப்டம்பர் 4ஆம் தேதி வரையில் பெறப்பட்டது. சீர்மிகு சட்டப்பள்ளியில் உள்ள ஹானர்ஸ் படிப்புகளில் சேர்வதற்கு 5300 மாணவர்கள் விண்ணப்பம் செய்திருந்தனர்.
அவர்களில் பி.ஏ எல்.எல்.பி, பிபிஏ எல்எல்பி (ஹானர்ஸ்) பட்டப் படிப்பில் சேர்வதற்கு 3,444 மாணவர்களும், பிகாம் எல்எல்பி (ஹானர்ஸ்) படிப்பில் சேர்வதற்கு 1,063 மாணவர்களும், பிசிஏ எல்எல்பி (ஹானர்ஸ்) படிப்பில் சேர்வதற்கு 403 மாணவர்கள் என 4,910 மாணவர்கள் தகுதிப்பெற்றுள்ளனர்.