கொங்கு மண்டலத்தில் 3 நாட்கள் விஜயம் செய்யும் முதலமைச்சர்

தமிழ்நாடு முதலமைச்சர் மு.க.ஸ்டாலின் மூன்று நாட்கள் பயணமாக கோவை, திருப்பூர், ஈரோடு ஆகிய மாவட்டங்களுக்கு சென்று அங்கு நடைபெறும் பல்வேறு நிகழ்ச்சிகளில் பங்கேற்கிறார்.

சென்னை:தமிழ்நாடு முதலமைச்சர் மு.க. ஸ்டாலின் பல்வேறு நலத்திட்ட உதவிகளை வழங்குவதற்காகவும், முடிவுற்ற பணிகளைத் தொடங்கி வைக்கவும், சிறு, குறு தொழில் துறை சார்பில் நடைபெறும் நிகழ்ச்சிகளில் பங்கேற்பதற்கும் கோவைக்கு சென்னையிலிருந்து விமானம் மூலம் 23ஆம் தேதி செல்கிறார்.

23ஆம் தேதி கோவையில் இரவு தங்கும் தமிழ்நாடு முதலமைச்சர் 24ஆம் தேதி காலை கோவையில் நடைபெறும் அரசு நலத்திட்ட உதவிகள் வழங்கும் நிகழ்ச்சியில் கலந்து கொண்டு பயனாளிகளுக்குப் பல்வேறு நலத்திட்ட உதவிகளை வழங்குகிறார். மாலையில் பொள்ளாச்சியில் நடைபெறும் நிகழ்ச்சியில் திமுக தலைவரும் தமிழ்நாடு முதலமைச்சருமான மு.க.ஸ்டாலின் முன்னிலையில் மற்ற கட்சியினர் திமுகவில் தங்களை இணைத்துக்கொள்கின்றனர்.

25ஆம் தேதி திருப்பூர் மாவட்டத்திற்கு செல்லக்கூடிய முதலமைச்சர், சிறு, குறு தொழில் நிறுவனங்களில் சார்பில் நடைபெறும் 'தொழிலுக்குத் தோள்கொடுப்போம்' திருப்பூர் மண்டல மாநாட்டில் கலந்து கொள்கிறார். அதைத்தொடர்ந்து 26ஆம் தேதி ஈரோடு மாவட்டத்தில் முதலமைச்சர் பல்வேறு நிகழ்ச்சிகளில் கலந்துகொண்டு, மாலை கோவையில் இருந்து விமானம் மூலம் சென்னை திரும்புகிறார்.

இதையும் படிங்க:ஈபிஎஸ்-ன் மேல்முறையீட்டு மனுவை எதிர்த்து ஓபிஎஸ் கேவியட் மனு தாக்கல்