கரோனா தடுப்பு நடவடிக்கைகள்: அமைச்சர் ஆய்வு

சென்னை : எழிலகத்தில் கரோனா வைரஸ் தடுப்பு நடவடிக்கைகள் குறித்து அமைச்சர் ஆர்.பி. உதயகுமார் தலைமையில் ஆய்வு மேற்கொள்ளப்பட்டது.

நாடு முழுவதும் கரோனா தொற்றுப் பரவலைக் கட்டுக்குள் கொண்டுவர, ஊரடங்கு அமல்படுத்தப்பட்டுள்ளது. முதல்வரிசை பணியாளர்களான மருத்துவர்கள், சுகாதாரப் பணியாளர்கள், தூய்மைப் பணியாளர்கள் இன்ன பிற அரசு அலுவலர்கள் என அனைவரும் கரோனா பரவலைக் கட்டுக்குள் கொண்டுவர தீவிர பணியாற்றி வருகின்றனர்.

இந்நிலையில், வருவாய் மற்றும் பேரிடர் மேலாண்மை துறையின் சார்பில் கரோனா வைரஸ் தடுப்பு நடவடிக்கைகள் தொடர்பாக வெளியிடப்பட்ட அரசாணைகளில் கூறப்பட்டுள்ள நடைமுறைகள், மாவட்ட அளவில் எவ்வாறு செயல்படுத்தப்படுகின்றன என்பது குறித்து ஆய்வு மேற்கொள்ளப்பட்டது.

வருவாய் துறை அமைச்சர் ஆர்.பி. உதயகுமார் தலைமையில் சென்னை எழிலகத்தில் நடைபெற்ற இந்த ஆய்வில் கரோனா தடுப்பு சிறப்பு அலுவலர் ராதாகிருஷ்ணன், இன்னபிற உயர் அலுவலர்கள் ஆகியோர் பங்கேற்றனர்.

இதையும் படிங்க :கரோனா பணியில் பணியாற்றும் தொண்டு நிறுவனங்களுடன் ஆலோசனை கூட்டம்!