'டெட்' தேர்வின் மாதிரி விடைகள் இணையத்தில் வெளியீடு!

சென்னை: ஆசிரியர் தகுதித் தேர்வு எழுதியவர்களுக்கான சரியான விடைகள் இணையத்தில் வெளியிடப்பட்டுள்ளது.

தமிழ்நாடு அரசு ஆசிரியர் தேர்வு வாரியத்தால் 2019 ஆம் ஆண்டு ஆசிரியர் தகுதித்தேர்வு தாள்-1 ஜூன் 8ஆம் தேதியும், பட்டதாரி ஆசிரியர்களுக்கான தாள்–2 ஜூன் 9ஆம் தேதி நடத்தப்பட்டது. இந்நிலையில், வினாத்தாளில் கேட்கப்பட்ட கேள்விகளுக்கான சரியான விடைகள் trb.tn.nic.in என்ற இணையதளத்தில் இன்று வெளியிடப்படுள்ளது.

விடைக்குறிப்பின் மீது ஏதேனும் தவறுகள் இருந்தால் வரும் 15ஆம் தேதி மாலை 5.30 மணிக்குள் ஆசிரியர் தேர்வு வாரிய தகவல் மையத்தில் உள்ள பெட்டியிலோ அல்லது அஞ்சல் மூலமாகவோ உரிய ஆதாரங்களுடன் ஆசிரியர் தகுதித் தேர்வு வாரிய அலுவலகத்தில் முறையிடலாம் என்று அறிவிக்கப்பட்டுள்ளது.

இதற்கு, அங்கீகரிக்கப்பட்ட பாடப்புத்தகங்கள், மேற்கோள் புத்தகங்கள் மட்டுமே ஆதாரமாக அளிக்க வேண்டும். குறிப்பாக கையேடுகள், தொலைதூர கல்வி நிறுவன ஆதாரங்கள் ஏற்றுக் கொள்ளப்படமாட்டாது என்றும் கூறப்பட்டுள்ளது.