கரோனா தொற்றுப்பரவல் தடுப்பு, உலகளாவிய பயணக் கட்டுப்பாடுகள் காரணமாக சவுதி அரேபியாவின் பல்வேறு பகுதிகளில் சிக்கித் தவித்த 318 தமிழர்கள் தமாமிலிருந்து இயக்கப்பட்ட சிறப்பு விமானம் மூலமாக நேற்றிரவு (ஆகஸ்ட் 15) சென்னை வந்தடைந்தனர். சவுதி அரேபியால் தனியாா் தொழிற்சாலைகளில் பணியாற்றிவந்த இவர்களை அந்நிறுவனங்களே தாயகம் அழைத்துவர இந்திய அரசிடம் வேண்டுகோள் விடுத்திருந்தன.
இதையடுத்து, வந்தே பாரத் மிஷனின் ஐந்தாம் கட்ட விமான சேவையின் ஒரு விமானம் மூலமாக அவர்கள் தமிழ்நாடு அழைத்துவரப்பட்டுள்ளனர். இவா்களுக்கு சென்னை விமான நிலையத்தில் மருத்துவ பரிசோதனை மேற்கொள்ளப்பட்டதையடுத்து குடியுரிமை, சுங்கச் சோதனைகள் நிறைவடைந்து 14 நாள்கள் தனிமைப்படுத்தலுக்கு சென்னை நகர விடுதிகளுக்கு அழைத்துச் செல்லப்பட்டனா்.