சென்னை:கரோனா தொற்றால் பாதிக்கப்படும் நோயாளிகளுக்கு தீவிர சிகிச்சை அளிக்க மருத்துவ ஆக்ஸிஜன் மிகவும் அத்தியாவசியமாகிறது. இதற்கு சந்தையில் தட்டுப்பாடு நிலவும் சூழ்நிலையில், தென்னக ரயில்வே சார்பாக ஒடிசா, ஜார்க்கண்ட், மேற்குவங்கம் போன்ற மாநிலங்களில் உள்ள தொழிற்சாலைகளில் இருந்து தமிழ்நாட்டிற்கு ரயில் மூலமாக மருத்துவ ஆக்ஸிஜன் எடுத்துவரப்படுகிறது.
அந்தவகையில், 59ஆவது ஆக்ஸிஜன் ரயில் சத்தீஸ்கரில் இருந்து சென்னை துறைமுகத்துக்கு 6 கண்டெய்னர்களில் 113.79 மெட்ரிக் டன் ஆக்ஸிஜனை எடுத்துவந்துள்ளது. மற்றொரு ரயில் ரூர்கேலாவிலிருந்து தண்டையார்பேட்டைக்கு 126 மெட்ரிக் டன் ஆக்ஸிஜனை எடுத்துவந்துள்ளது.